language
Home >> News
Dedicated Servers from Liquid Web

అల్లు శిరీష్ "ఏబీసీడీ తెలుగు" చిత్రంలో కీలక పాత్రలో భరత్

By : Pavan |
  Jun 13, 2018, 15:55 IST
| Views : 14

బాల నటుడిగా తెరంగ్రేటం చేసి.... ఎన్నో వైవిధ్యమైన హాస్య పాత్రల్లో కనిపించాడు మాస్టర్ భరత్. తనదైన డైలాగ్ డెలివరీ, ఎక్స్ ప్రెషన్స్ తో తెలుగు ప్రేక్షకుల్ని అలరించాడు. కొంత గ్యాప్ తీసుకున్న భరత్ ఇప్పుడు అల్లు శిరీష్ హీరోగా తెలుగు లో రూపొందిస్తున్న ఏబీసీడీ చిత్రం లో కీలక పాత్రలో కనిపించబోతున్నాడు. బాల నటుడిగా బొద్దుగా కనిపించిన భరత్ ఇప్పుడు స్లిమ్ గా రెడీ అయ్యాడు. ఈ చిత్రంలో అల్లు శిరీష్ ఫ్రెండ్ క్యారెక్టర్ లో సినిమా ఆద్యంతం అలరించనున్నాడు. 

అల్లు శిరీష్ సరసన నటించే ఛాన్స్ రుక్సార్ థిల్లాన్ సొంతం చేసుకుంది. సంజీవ్ రెడ్డి ఈ చిత్రంతో దర్శకుడిగా పరిచయం అవుతున్నారు. ఈ క్రేజీ ప్రాజెక్టును మధుర ఎంటర్ టైన్ మెంట్ బ్యానర్ పై మధుర శ్రీధర్, బిగ్ బెన్ సినిమాస్ బ్యానర్ పై యష్ రంగినేని సంయుక్తంగా నిర్మిస్తున్నారు. ధీరజ్ మొగిలినేని కో ప్రొడ్యూసర్ గా వ్యవహరిస్తున్నారు. కన్నడ టాప్ మ్యూజిక్ డైరెక్టర్ జుధా సాంధీ ఈ చిత్రానికి సంగీతం సమకూరుస్తున్నారు. ఈ సందర్భంగా

చిత్ర నిర్మాతలు మాట్లాడుతూ... మలయాళంలో సూపర్ సక్సెస్ అందుకున్న ఎబిసిడి చిత్రాన్ని తెలుగులో అల్లు శిరీష్ తో నిర్మిస్తున్నందుకు చాలా హ్యాపీగా ఉంది. మలయాళంలో దుల్కర్ పోషించిన పాత్రను తెలుగులో శిరీష్ పోషిస్తున్నారు. బాల నటుడిగా మనల్ని ఎంటర్టైన్ చేసిన మాస్టర్ భరత్ అల్లు శిరీష్ స్నేహితుడిగా ఫుల్ లెంగ్త్ క్యారెక్టర్ పోషిస్తున్నాడు. తెలుగు ప్రేక్షకులంతా హ్యాపీగా ఎంజాయ్ చేసే కథ కావడంతో రీమేక్ చేస్తున్నాం. తెలుగు నేటివిటీకి తగ్గట్టుగా స్క్రిప్ట్ వర్క్ జరుగుతోంది. అల్లు శిరీష్ సరసన కృష్ణార్జున యుద్ధం ఫేం రుక్సార్ థిల్లాన్ ను హీరోయిన్ గా ఎంపిక చేశాం. కన్నడ టాప్ మ్యూజిక్ డైరెక్టర్ జుధా సాంధీ ఈ చిత్రానికి సంగీతం అందిస్తుండడం విశేషం. దర్శకుడు సంజీవ్ రెడ్డి తెలుగు ప్రేక్షకులు మెచ్చే విధంగా కథను తీర్చిదిద్దారు. అన్ని వర్గాల ప్రేక్షకుల్ని ఎంటర్ టైన్ చేసే ఈ చిత్రం షూటింగ్ త్వరలోనే మొదలు కానుంది. మరిన్ని వివరాలు త్వరలోనే తెలియజేస్తాం. అని అన్నారు. 

Related News
Jun 13, 2018, 23:08 IST
Jun 05, 2018, 21:15 IST
Jun 01, 2018, 16:30 IST
May 14, 2018, 22:07 IST
May 13, 2018, 18:51 IST
Dec 09, 2017, 17:03 IST
Related Photos
Dec 09, 2017, 17:11 IST
Nov 19, 2017, 11:22 IST
Nov 14, 2017, 10:15 IST
Related Videos
Sep 18, 2017, 14:09 IST
Mar 20, 2017, 18:20 IST
Feb 07, 2017, 14:10 IST
 
Recommended
Recommended
Latest Albums